logo
languageIcon
search
search
beforeFajronColorIcon Zamanla bağlı olmayan sünnə əməllər/ Gündəlik sünnələrdən də biri Allahı zikr etməkdir/ ( Say 6 Sünnələr )
brightness_1 Ən əzəmətli zikr Uca Allahın kitabını oxumaqdır.

Ən əzəmətli zikr Uca Allahın kitabını oxumaqdır. Bilməliyik ki, bu ibadət növü sələflərimizi gecələr yataqlarında rahat buraxmayıb yuxudan etmişdir. Uca Allah bu haqda buyurur: ‘‘Onlar gecələr (ibadətlə məşğul olub) az yatardılar. Sübh çağında isə Allahdan bağışlanma dilərdilər ’’ (əz-Zariyyat: 17-18).

Həmçinin sələflərimiz gecələrini Allahın kitabını və Peyğəmbərdən (salləllahu aleyhi və səlləm) varid olan zikrləri oxumaqla keçirərdilər. Gecələr bu sünnəni yaşadan zümrə necə də gözəl, gecə və gündüzünü faydasız keçirib etinasız yanaşan zümrə isə necə də pisdir! Allahın rəhm etdiyi kəslərdən başqa gecələrini nəinki itaətsiz, hətta günahla keçirən müsəlmanlar da vardır. Allah bizləri qorusun!

Həmmad ibn Zeyd Əta ibn əs-Səibdən rəvayət edir ki, Əbu Əbdurrəhman demişdir: ‘‘Quranı elə bir qövmdən öyrənmişik ki, onlar Quran öyrənərkən on ayə öyrənərdilər, tam mənasını başa düşərdilər, sonra ona əməl etməyincə yeni on ayəyə keçməzdilər. Biz də həmçinin, Quranı və ona əməl etməyi eyni zamanda öyrənərdik. Lakin bizdən sonra elə bir qövm Qurana sahib çıxacaq ki, Quranı su kimi içəcəklər, lakin o, onların oğazlarından aşağı keçməyəcək’’ («Ə`ləmul-Nubələ», 4/269).
brightness_1 Zikr etmək qəlblərə yeni həyat verər.

Əbu Musa (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Rəbbini zikr edənlə Onu zikr etməyənin misalı, diri ilə ölünün misalı kimidir.” (əl-Buxari: 6407; Müslim: 779).
brightness_1 İzzət və cəlal sahibi Allah Quranda bir çox yerlərdə Onu zikr etməyə təşviq edir.

1.Uca Allah bəndələrini zikri çoxaltmasına çağırır: ‘‘Ey iman gətirənlər! Allahı çox zikr edin! Onu səhər-axşam təqdis edib şəninə təriflər deyin!’’ (əl-Əhzab: 41-42).

2.Uca Allah Onu zikr edən kişi və qadınları böyük savab və əcrlə, həmçinin, məğfirətlə müjdələyir: ‘‘Allahı çox zikr edən kişilər və qadınlar üçün Allah bağışlanma və böyük mükafat hazırlamışdır ’’ (əl-Əhzab: 35).

3.Uca Allah bizi münafiqlərin sifətlərindən çəkindirir. Çünki onlar Allahı az zikr edərlər: ‘‘Münafiqlər Allahı aldatmağa çalışırlar. Halbuki Allah onları aldadır. Onlar namaza durarkən (yerlərindən) könülsüz qalxar, özlərini camaata göstərər və Allahı olduqca az yad edərlər’’ (ən-Nisa: 142).

4.Həmçinin, Allah Təalə bəndələrini mal-dövlətin və övladların Onun zikrindən yayındırmasından çəkindirib. ‘‘Ey iman gətirənlər! Nə mal-dövlətiniz, nə də oğul-uşağınız sizi Allahın zikrindən yayındırmasın! Bunu edənlər ziyana uğrayanlardır’’ (əl-Munafiun: 9).

5.Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Uca Allah buyurur: “Mən qulumun barəmdəki zənni yanındayam, Məni yad etdikcə onunlayam. O məni öz-özlüyündə yad etsə, Mən də onu ÖzÖzlüyümdə yad edərəm. O məni camaatın yanında yad edərsə, Mən onu onlardan daha xeyirli bir toplumun (mələklərin) yanında yad edərəm.” (əl-Buxari: 7405; Müslim: 2675).
brightness_1 Peyğəmbərdən (salləllahu aleyhi və səlləm) varid olan bəzi zikrlər: (1)

Peyğəmbərdən (salləllahu aleyhi və səlləm) varid olan bəzi zikrlər:

1. Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) buyurmuşdur: “Kim bir gündə yüz dəfə ‘‘Lə iləhə illəllahu vəhdəhu lə şərikə ləhu, ləhul-mulku və ləhul-həmdu və huva alə kulli şeyin qadir’’ (Allahdan başqa haqq məbud yoxdur, O təkdir, Onun şəriki yoxdur. Bütün varlıq və kamil həmd yalnız Ona məxsusdur! O hər şeyə Qadirdir!) deyərsə, bu onun üçün on qulu azad etməyə bərabər olar, ona yüz savab yazılar, onun yüz günahı silinər, həmin günü axşamadək şeytandan qorunmuş olar və (Qiyamət günü) heç kəs onun gətirdiyindən əfzəl heç bir şey gətirə bilməz. Yalnız o şəxsdən başqa ki, o bunu ondan çox etmişdir. Kim də bir gündə yüz dəfə «Subhanəllahi və bihəmdihi» (Allah pak və müqəddəsdir! Allaha həmd olsun!) deyərsə, onun günahları hətta dəniz köpüyü qədər olsa belə yenə də bağışlanar” (əl-Buxari: 3293; Müslim: 2691).

2. Əbu Eyyub (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Kim on dəfə: «Lə iləhə illəllahu vəhdəhu lə şərikə ləhu, ləhul-mulku və ləhulhəmdu və huva alə kulli şeyin qadir» (Allahdan başqa haqq məbud yoxdur, O təkdir, Onun şəriki yoxdur. Bütün varlıq və kamil həmd yalnız Ona məxsusdur! O hər şeyə Qadirdir!) – deyərsə, bu onun üçün İsmail övladlarından dörd qulu azad etməyə bərabər olar” (əl-Buxari: 6404; Müslim: 2693).
brightness_1 Peyğəmbərdən (salləllahu aleyhi və səlləm) varid olan bəzi zikrlər: (2)

Peyğəmbərdən (salləllahu aleyhi və səlləm) varid olan bəzi zikrlər:

3. Rəvayət edirlir ki, Səid ibn Əbu Vəqqas (Allah ondan razı olsun) demişdir: “(Bir gün) Peyğəmbərin (salləllahu aleyhi və səlləm) yanında olanda o, bizdən soruşdu: “Sizlərdən hər gün min savab qazanmaqdan aciz qalan varmı? Yanında oturanlardan biri soruşdu: “Bizlərdən biri min savabı necə qazana bilər?” O dedi: “Yüz dəfə təsbih etsə («Subhanəllah» desə), ona min savab yazılar, yaxud min günahı silinər” (Müslim: 2698).

4. Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) buyurmuşdur: “Kim də bir gündə yüz dəfə: «Subhanəllahi və bihəmdihi» (Allah pak və

müqəddəsdir! Kamil həmd yalnız Allaha məxsusdur!) – deyərsə, onun günahları hətta dəniz köpüyü qədər olsa belə yenə də bağışlanar” (əl-Buxari: 6405; Müslim: 2692).

Əbu Musa əl-Əş`ari (Allah ondan razı olsun) demişdir: “(Xeybər günü)  Peyğəmbər (salləllahu aleyhi və səlləm) mənə belə buyurdu: “Cənnət 

xəzinələrindən birini sənə deyimmi?” Dedim: “Bəli, (ya Rəsulallah!)” O (salləllahu aleyhi və səlləm), dedi: “Lə həulə və lə quvvətə illə billəh!” (Qüdrət və güc yalnız Allahındır!) (əl-Buxari: 4202; Müslim: 2704).

Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “«Subhanəllahi vəlhəmdulilləhi, və lə iləhə illəllahu, vəllahu əkbər» (Allah pak və müqəddəsdir! Kamil həmd yalnız Allaha məxsusdur! Allahdan başqa haqq məbud yoxdur! Allah hər şeydən Böyükdür!) deməyim, mənə üzərində günəş doğan hər bir şeydən əzizdir ” (Müslim: 2695).
brightness_1 Peyğəmbərdən (salləllahu aleyhi və səlləm) varid olan bəzi zikrlər: (3)

Peyğəmbərdən (salləllahu aleyhi və səlləm) varid olan bəzi zikrlər:

Həmçinin ‘‘İstiğfar’’ (Bağışlanma diləmək) zikrin növlərindən hesab olunur. Əl-Əğarru əl-Muzəni (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Həqiqətən mənim də qəlbimin tutulduğu (zikrdən uzaq qaldığı) anlar olur. (Ona görə də) mən gündə yüz dəfə Allahdan bağışlanma diləyirəm!” (Müslim: 2702).

Əl-Əğarru əl-Muzəni (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Ey insanlar! Allaha tövbə edin! Mən Ona gündə yüz dəfə tövbə edirəm!” (Müslim: 2702).

Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Allaha and olsun ki, mən hər gün yetmiş dəfədən çox Ondan bağışlanma diləyir və Ona tövbə edirəm” (əl-Buxari: 6307).

Kitabı Əbu Hureyranın (Allah ondan razı olsun) əzəmətli bir zikri rəvayət etdiyi hədisi ilə bitirirəm. Peyğəmbər (salləllahu aleyhi və səlləm) buyurmuşdur: “Dilə yüngül gələn, çəkidə ağır gələn, Ər-Rahmənə əziz olan iki kəlmə vardır: «Subhanəllahi və bihəmdihi, subhanəllahi-azım» (Allah pak və müqəddəsdir! Allaha həmd olsun! Böyük Allah pak və müqəddəsdir!) (əl-Buxari: 4202; Müslim: 2704).

Öz lütfü ilə bütün saleh əməlləri tamamlayan Allaha kamil həmd-səna olsun!